විදේශිකයන්ට මුදල් සියරට යැවීම සීමා කරමින් අතිවිශේෂ ගැසට් නිවේදනයක් !
ශ්‍රී ලංකාවේ සිටින විදේශිකයින්ට සංක්‍රමණික දීමනාව යටතේ අරමුදල් සියරට යැවීම සීමා කරමින් මුදල් අමාත්‍යවරයා ලෙස අග්‍රාමාත්‍ය මහින්ද රාජපක්ෂ විසින් අතිවිශේෂ ගැසට් නිවේදනයක් නිකුත් කර තිබෙනවා.
පාන් පිටි මිල වැඩි කිරීමට එරෙහිව පාරිභෝගික අධිකාරියෙන් නඩු !
අවසරයකින් තොරව පාන් පිටි මිල රුපියල් 18කින් ඉහළ නැංවීම සම්බන්ධයෙන් සෙරන්ඩිබ් ආයතනයට එරෙහිව නඩු පැවරීමට පාරිභෝගික කටයුතු පිළිබඳ අධිකාරිය සූදානම් වන බව වාර්තා වෙනවා.
ශ්‍රී ලංකා පොලිසියට ත්‍රීරෝද රථ 2000ක් ප්‍රදානය කෙරේ !
ප්‍රජා පොලිස් සංකල්පය ශක්තිමත් කරමින් අපරාධ හා මත්ද්‍රව්‍ය භාවිතය වැළැක්වීම, බුද්ධි හා සිවිල් රාජකාරි ඔස්සේ ජාතික ආරක්ෂාව තහවුරු කිරීම යන කාර්ය සඳහා අවශ්‍යව පැවැති ත්‍රීරෝද රථ 2000ක් ශ්‍රී ලංකා පොලිසියට සංකේතාත්මකව ප්‍රදානය කිරීම ඊයේ (01) අරලියගහ මන්දිරයේ දී පැවැත්විණි.
දුෂ්කරතා මැද කරන වැඩවල ප්‍රතිඵල රටට ඉතිරි වන බව සිහිතබා ගෙන වැඩ කරමු - අගමැති
දුෂ්කරතා මැද වැඩ කළොත් එහි ප්‍රතිඵලය මේ රටට ඉතිරි වෙනවා කියන විශ්වාසයෙන් වැඩ කළ යුතු බව ඊයේ දින දිවයින පුරා ගම්මාන 500ක් “සෞභාග්‍යා නිෂ්පාදන ගම්මාන” ලෙස සංවර්ධනය කිරීමේ සමාරම්භක අවස්ථාවට එක්වෙමින් අග්‍රාමාත්‍ය මහින්ද රාජපක්ෂ මහතා මේ බව ප්‍රකාශ කර තිබෙනවා.
කාබනික පොහොර තීන්දුව ආපස්සට ගන්න එපා..! ගොවියන් ජනපතිගෙන් ඉල්ලයි
කාබනික පොහොර භාවිතයට ගත් පියවර කිසිවිටෙකත් පසුපසට නොගන්නා ලෙස දිවයින පුරා ලක්ෂ 11ක්වූ ගොවීන් වෙනුවෙන් දිස්ත්‍රික් ගොවි නියෝජිතයෝ, ජනාධිපති ගෝඨාභය රාජපක්ෂ ගෙන් ඉල්ලා සිටිති.
ව්‍යාපාර මෙන්ම සේවක ප්‍රජාව ද රැක ගනිමින් අභියෝගවලට මුහුණ දෙමු ! අගමැති
සිය ආයතනවල සේවකයන් ඉවත් නොකර රැක ගනිමින් මෙම වසංගතය සමඟ මතුව ඇති අභියෝගවලට මුහුණ දෙන ලෙස අග්‍රාමාත්‍ය මහින්ද රාජපක්ෂ කර්මාන්තකරුවන්ගෙන් සහ ව්‍යාපාරික ප්‍රජාවෙන් ඉල්ලීමක් කර ඇත.
පාසල් සහ පෙරපාසල් වල අලුතින් ඉදිකෙරෙන වහලවල් සඳහා ඇස්බැස්ටෝස් භාවිතය තහනම් කරමින් ගැසට් නිවේදනයක් නිකුත් කිරීමට නියමිත බව පරිසර අමාත්‍ය මහින්ද අමරවීර ප්‍රකාශ කර තිබෙනවා.
යුරෝපා සංගමයට අයත් රටවල් වෙත යැවෙන භාණ්ඩ සදහා අද සිට බදු මුදල් !
යුරෝපා සංගමයට අයත් රටවල් වෙත යැවෙන තැපැල් භාණ්ඩ සම්බන්ධ සංශෝධිත බදු ප්‍රතිපත්තිය අද (01) සිට ක්‍රියාත්මක වේ.
