අද උදෑසන පැවැති එක්සත් ජාතික පක්ෂයේ ජේෂ්ඨයන්ගේ ‍රැස්වීමෙදී රනිල් වික්‍රමසිංහ තමන් ජනාධිපතිවරණයට ඉදිරිපත් වෙන බවට ගත් තීන්දුව විහිළු සහගත එකක් බව එම පක්ෂයේ ජේෂ්ඨයකු සඳහන් කරයි.. මෙහිදී ජනාධිපති අපේක්ෂකත්වය සම්බන්ධයෙන් සලකා බැලූ සමීක්ෂණ වාර්තා අනුව සජිත් ප්‍රේමදාස ඉදිරියෙන් සිටින බව රනිල් වික්‍රමසිංහද පිළිගෙන තිබේ.

එක්සත් ජාතික පක්ෂයේ ජනාධිපති අපේක්ෂකයා තමන්ම විය යුතු බවට අද දින එජාප නායක රනිල් වික්‍රමසිංහ පක්ෂයේ ජේෂ්ඨ මැති ඇමතිවරුන් සමඟ පැවැති සාකච්ඡාවකදී තීන්දු කර තිබේ.

පිවිතුරු හෙළ උරුමයේත් ජනාධිපති අපේක්ෂක නන්දසේන ගෝඨාභය ඉදිරි ජනාධිපතිවරණය ජයග්‍රහණ කිරීමෙන් පසුව පිහිටුවන ආණ්ඩුව පාලනය කරන්නේ නන්දසේන මිසක් අගමැතිවරයාවත් කැබිනට් මණ්ඩලයවත් නොවන බව අද දින පැවැති මාධ්‍ය හමුවකදී එම පක්ෂයේ නායකයාද එකම සාමාජිකයාද වන උදය ගම්මපිල කරුණු කාරණා සහිතව පැහැදිලි කළේය.

එක්සත් ජාතික පක්ෂයේ නායක රනිල් වික්‍රමසිංහගේ ප්‍රභූ පාර්ශ්වය නියෝජනය කරන සුළුතර මැති ඇමැතිවරු පිරිස මේ වන විට තම නායකයා රැක ගැනිමටත් සජිත් ප්‍රේමදාස පාර්ශ්වයට එරෙහිව අවලාද නැගීමටත් පොදුජන පෙරමුණේ සහය ලබා ගනිමින් තිබේ. එසේම සජිත් ප්‍රේමදාස එජාප ජනාධිපති අපේක්ෂකයා ලෙස ‍තෝරා පත් කරගැනීම වැලැක්වීමට මහින්ද රාජපක්ෂ සහ එම රාජපක්ෂ පවුලේ සාමාජිකයන් පසුගිය සති කිහිපය මුලුල්ලේම අගමැතිවරයාගේ පාර්ශ්වයේත් ජනාධිපතිවරයාගේ පාර්ශ්වයෙත් සහය ඉල්ලා තිබුණු බවත් කසුකුසුවක් තිබිණි.

ශ්‍රී ලංකා නිදහස් පක්ෂයේ 68 වන සංවත්සර උලෙළ අමතමින් පක්ෂයේ සභාපති, ජනාධිපති මෛත්‍රීපාල සිරිසේන කළ කථාව