දින සියේ දී ඇණ හිටියේ රාජපක්ෂ පවුලේ සංවර්ධනය පමණයි - රවී
දින සීයේ දී සංවර්ධන කටයුතු ඇණහිටි බවට විපක්ෂය ගෙන යන ප්‍රචාරයන් අසත්‍ය බව මුදල් අමාත්‍ය රවී කරුණානායක මහතා පවසයි. අමාත්‍යවරයා පෙන්වා දෙන්නේ එම කාලය තුළ දී ඇණ හිටියේ රාජපක්ෂ පවුලේ සංවර්ධනය පමණක් බවයි. ජනතාව ආර්ථික වශයෙන් මෙන් ම සාමාජීය වශයෙන් ද සංවර්ධනය වූ බව අමාත්‍යවරයා පෙන්වා දුන්නේය. මොරටුව ප්‍රදේශයේ පැවැති ජන හමුවකට එක් වෙමින් අමාත්‍යවරයා මේ බව කියා සිටියේය.
මහ මැතිවරණයට තරග කරන අපේක්‍ෂකයන් සමග සමීප සම්බන්ධතා පවත්වමින් පක්‍ෂග්‍රාහීව කටයුතු කරන පොලිස්‌ ස්‌ථානාධිපතිවරුන්ට එරෙහිව පියවර ගන්නා බව පොලිස්‌ මැතිවරණ කටයුතු භාර ජ්‍යෙෂ්ඨ නියෝජ්‍ය පොලිස්‌පති ගාමිණී නවරත්න මහතා පැවැසීය.එවැනි නිලධාරීන් වහාම එම පොලිස්‌ බල ප්‍රදේශවලින් මාරු කර යෑවීමට කටයුතු කරන බව ඔහු සදහන් කළේය.
විනයාගමූර්ති මුරලිදරන් හෙවත් කරුණා අම්මාන් එක්සත් ජාතික පෙරමුණේ මැතිවරණ ව්‍යාපාරය වෙනුවෙන් එක්වීමට නියමිතය. මේවන විට මේ සම්බන්ධයෙන් එකසත් ජාතික පක්ෂයේ නායක අගමැති රනිල් වික්‍රමසිංහ මහතා සමග සාකච්ඡා කර ඇති අතර ඉදිරි දින කිහිපයේදී ජනාධිපති මෛත්‍රීපාල සිරිසේන මහතා සමඟ වන සාකච්ඡාවකින් පසුව එජාපෙරමුණේ වේදිකාවට එක් වීමට නියමිතය.
මෙවර මහමැතිවරණයේදී දෙමළ ජාතික සන්ධානය, උතුරු හා නැගෙනහිර පළාත් දෙකෙන් පාර්ලිමේන්තු මන්ත්‍රී ආසන 22 ක ඉලක්කයක් වෙනුවෙන් තරග කරන බව ඉලංගෙයි තමිලරසු පක්ෂයේ අපේක්‍ෂක පී.අරියනේන්ද්‍රන් ප්‍රකාශ කරයි.
මහින්ද දේශපාලනයෙන් නෙරපන්න මෛත‍්‍රී රනිල් රහස් ගිවිසුමක
හිටපු ජනාධිපති මහින්ද රාජපක්ෂ මහතා දේශපාලනයෙන් නෙරපා දැමීම සඳහා, මෛත‍්‍රී -රනිල් රහස් ගිවිසුමකට එළඹ ඇතැයි ඉතා විශ්වාසවන්ත කටයුතු දේශපාලන ආරංචි මාර්ගවලින් වාර්තා වේ.
සිරියාවේ අයි එස් ත්‍රස්තවාදීන් හා එක්ව සිටි ශ්‍රී ලාංකිකයකු ගුවන් ප්‍රහාරයකින් මියගොස් ඇති බවට ඊයේ (19) වෙබ්පුවත් මාධ්‍ය වාර්තා කළේය. ඊයේ උදෑසන සිලෝන්ටුඩේ වෙබ් අඩවියෙන් එම පුවත වාර්තා කර තිබුණු අතර රාත්‍රියේ ලංකාදීප වෙබ් අඩවිය ද එය වාර්තා කලේ ය. පුවතට අදාල තොරතුරු මූලාශ්‍ර ලෙස මියගිය පුද්ගලයාගේ මස්සිනා යැයි සඳහන් අයෙක් තැබූ ෆේස්බුක් සටහනක් ගැන සඳහන්ව තිබුණි. පාකිස්ථානයේ ඉස්ලාමාබාද් ඉස්ලාම් විශ්වවිද්‍යාලයෙහි එල් එල් බී උපාධිධරයෙකු ලෙස ද විවාහක හය දරු පියෙකු ලෙස ද මියගිය පුද්ගලයා පිළිබඳව සටහන් ව තිබූ අතර විශේෂයක් ලෙස ඔහු කරාටේ කලු පටි ධාරියෙකු ලෙසද සඳහන් කර තිබුණි.
මත්ද්‍රව්‍ය ජාවාරමට සම්බන්ධ දේශපාලකයන් හෙළි කළ වෛද්‍ය නිලංගට මරණ තර්ජන
මත්ද්‍රව්‍ය ජාවාරමේ නිරත වන දේශපාලකයන්ගේ ලැයිස්තුවක් අවශ්‍ය නම් නාමයෝජනා කැඳවන්නට පෙර ලබාදෙන බවට ප‍්‍රසිද්ධ කළ අන්තරායකර ඖෂධ පාලක මණ්ඩලයේ සභාපති වෛද්‍ය නිලංග සමරසිංහට දිගින් දිගටම මරණ තර්ජන එල්ල වන බව වාර්තාවේ.
