මහ මැතිවරණය සඳහා නාම යෝජනා ලබා දිමෙන් අනතුරුව මහින්ද රාජපක්ෂයේ ආධාරකරුවන් කුරුණෑගල නාවින්න වට රවුම අසලදී එම ප්‍රීතිය සැමරීමට රතිඤ්ඤා සමඟ අත් බෝම්බද පුපුරුවා ඇති බව කුරුණෑගල මුලස්ථාන පොලීසිය සැක කරයි.
පෙරටුගාමී සමාජවාදී පක්ෂය කුළුගෙඩිය ලකුණෙන් මෙවර මහ මැතිවරණය සඳහා ඉදිරිපත් කර ඇති ජාතික ලයිස්තු නාමලේඛනය පහත දැක්වේ
ඉන්දියන් ජාතිකයකු සමඟ පෙම් සබඳතාවක් පවත්වා විවිධ අවශ්‍යතා සඳහා ඔහුගෙන් රුපියල් කෝටි ගණනක මුදලක් ලබාගෙන සාපරාධී විශ්වාසය කඩ කරන ලදැයි කියන චෝදනාවකට අධිකරණය හමුවේ පෙනී සිටි ජනප්‍රිය ටෙලි නාට්‍ය හා චිත්‍රපට නිළි අක්ෂා සුධාරි නමැති සැකකාරිය රුපියල් ලක්ෂ 300ක ශරීර ඇප සහ රුපියල් 25,000ක මුදල් ඇපයක් මත මුදාහරින ලෙස කොළඹ අතිරේක මහෙස්ත්‍රාත් නිශාන්ත පීරිස් මහතා ඊයේ (13දා) නියෝග කළේය.
එල්ටීටීඊ සංවිධානයේ හිටපු නායක වෙලුපිල්ලේ ප්‍රභාකරන්ගේ මස්සිනා වන උතුරු පළාත් සභා මන්ත්‍රී එම්. කේ ස්වාජිලිංගම් මහතා මෙවර මහ මැතිවරණයේදී ස්වාධීන අපෙක්ෂකයකු ලෙස කුරුණැගල දිස්ත්‍රික්කයෙන් ඉදිරිපත්ව සිටී. ඔහුගේ ඡන්ද සලකුන 'සුදු කොඩි දෙක' වෙයි
හිටපු මැති ඇමැතිවරු 4 දෙනෙකුට එක්සත් ජනතා නිදහස් සන්ධානයෙන් නාම යෝජනා දුන්නේ නැත. ඒ ඇයි දැයි සන්ධානයේ මහ ලේකම් සුසිල් ප්‍රේමජයන්තගෙන් විමසූ විට පැවැසූවේ එය නාම යෝජනා මණ්ඩලයේ තීරණයක් බවය. ඔවුන් දූෂිතයන් හෝ දූෂණ චෝදනා එල්ල වූවන් හෝ නොකීමට ප්‍රේමජයන්ත මහතාගේ දිව නැවුනේ නැත.
හිටපු අගවිනිසුරු වරිය වූ ශිරාණි බණ්ඩාරනායක මහත්මියගේ පුත් ශවීන් බණ්ඩාරනයක කාරියවසම් මහතා කොළඹ දිස්ත්‍රික්කයෙන් මහ මැතිවරණයට තරග කිරීම සඳහා නාම යෝජනා බාර දුන්නේය. ඔහු ඉදිරිපත්ව සිටින්නේ ස්වාධීන කණ්ඩායමකිනි. අපේ ස්වරාජ් පක්ෂය ලෙස හඳුන්වා ගත් එම කණ්ඩායම උගත් බුද්ධිමත් පිරිසක් ඉදිරිපත් කොට තිබේ.
මහින්දත් එක්ක ඉල්ලලා වැඩක් නැති නිසා නාමයෝජනා ප්‍රතික්ෂේප කළා - කරුණා අම්මාන්
එක්සත් ජනතා නිදහස සන්ධානයේ හිටපු පාර්ලිමේන්තු මන්ත්‍රී විනයාගමූර්ති මුරලිදරන් හෙවත් කරුණා අම්මාන්ට මේවර මඩකලපු දිස්ත්‍රික්කයෙන් නාම යෝජනා නොලැබීම සම්බන්ධයෙන් අප කළ විමසීමකදී ඔහුගේ ලේකම්වරියක පැවැසූවේ ඔහුට නාම යෝජනා ලැබුණ නමුත් ඒ ප්‍රතික්ෂේප කළ බවය.
මෙවර මහ මැතිවරණයේදී එක්සත් ජනතා නිදහස් සන්ධාන ජාතික ලැයිස්තු මන්ත්‍රී අපේක්ෂකයින් පහත දැක්වේ.
