ශ්‍රී ලංකා එල්ලේ සම්මේලනයේ සභාපති හා ලේකම් යන තනතුරු දෙකටම අලුත් මුහුණු දෙකක් එක්වීමට නියමිතය. දැනට එල්ලේ සම්මේලනයේ සභාපති ලෙස කටයුතු කරන යෝෂිත රාජපක්ෂ මහතා නැවත එම තනතුරට ඉදිරිපත් නොවන අතර ලේකම් සිරිපාල රණසිංහ මහතා ද නාමයෝජනා භාර නොදෙන බව වාර්තා වේ. සිරිපාල රණසිංහ මහතා වසර කිහිපයක්ම එම තනතුරේ කටයුතු කිරීම හේතුවෙන් මෙම තීරණය ගෙන තිබේ.
ආබාධයකට ලක්ව තිබෙන ධම්මික ප්‍රසාද් වෙනුවට දුෂ්මන්ත චමීර ශ්‍රී ලංකා කණ්ඩායමේ ලෝක කුසලාන සංචිතයට එක්කිරීම සඳහා අන්තර්ජාතික ක්රිකට් කවුන්සිලයේ තරගාවලි තාක්ෂණික කමිටුවේ අනුමැතිය හිමිවී තිබේ.
ලෝක කුසලාන තරගාවලියට සමගාමීව ශ්‍රී ලංකා කණ්ඩායම ක්‍රීඩාකරනු ලැබූ පළමු පුහුණු තරගයෙන් දකුණු අප්‍රිකාව හමුවේ කඩුලු පහක පරාජයක් ලැබීය.
ශ්‍රී ලංකා ක්රිකට් කණ්ඩායමේ සුපිරි වේග පන්දු යවන ක්‍රීඩක ලසිත් මාලිංග ටික කලක සිට පාදයේ ආබාධයකට ලක්ව සිටියේය. ඒ හේතුවෙන් ඔහුට පසුගිය නවසීලන්ත සංචාරයටද සහභාගී වීමට නොහැකි වූයේය.
වේග පන්දු යවන ක්‍රීඩක ලසිත් මාලිංගගේ සේවය ශ්‍රී ලංකා පිලට හිමිවීමත් සමග දැනට පවතින කණ්ඩායමේ තත්ත්වය හාත්පසින්ම වෙනස්‌ ස්‌වරූපයක්‌ ගනු ඇතැයි තමා විශ්වාස කරන බව නවසීලන්ත කණ්ඩායමේ තුන් ඉරියව් ක්‍රීඩක කොරේ ඇන්ඩර්සන් සඳහන් කර තිබේ.
ශ්‍රී ලංකාව සහ නවසීලන්තය අතර ඊයේ (29) පැවති 7 වන එක්දින ක්රිකට් තරගය අවසානයේදී ශ්‍රී ලංකා වේග පන්දු යවන ක්‍රීඩක නුවන් කුලසේකරට නිල අවවාදයක් කර තිබේ.
ශ්‍රී ලංකා ජාතික ක්රිකට් කණ්ඩායමේ වේග පන්දු පුහුණුකරු චමින්ද වාස්‌ගේ සහයක වේග පන්දු පුහුණුකරුවා වශයෙන් රොමේෂ් රත්නායක මහතා පත්කර තිබේ. රොමේෂ් රත්නායක සති තුනක කාලයක්‌ නවසීලන්තයේදී ශ්‍රී ලංකා වේග පන්දු යවන්නන් පුහුණුකිරීමට කැමැත්ත පළ කර තිබේ.
හොංකොංහි පැවති 15 වන ආසියානු ශූරතා මැරතන් තරගාවලියේ ශ්‍රී ලංකා ක්‍රීඩිකාවක්‌ මෙතෙක්‌ වාර්තා කරන ලද හොඳම කාලය සටහන් කරගනිමින් එහි පස්‌වන ස්‌ථානය හිමිකර ගැනීමට ශ්‍රී ලංකා යුද්ධ හමුදාවේ නිලූකා ගීතානි රාජසේකරට හැකිවිය. එහි පිරිමි අංශය සඳහා සහභාගි වූ ශ්‍රී ලංකා යුද්ධ හමුදාවේ තිස්‌ස ගුණසේකරට හිමිවූයේ 6 වැනි ස්‌ථානයයි.
