‍දෙදින නිල සංචාරයක් සඳහා ඉන්දීය විදේශ කටයුතු ඇමැතිනී සුෂ්මා ස්වරාජ් මහත්මිය අද (06) ශ්‍රී ලංකාවට පැමිණීමට නියමිතයි.

විදෙස් කටයුතු ඇමතිතුමනි,

කාලයක් පුරා රටේ විකල්ප මතධාරීන් සමීපව ඇසුරු කරන, ඔවුන්ගේ ආභාශය ලබන ඔබ මේ ලිපිය සම්බන්ධයෙන් අවධානය යොමුකරනු ඇතැයි ප්‍රථමයෙන් විශ්වාස කරමි.

ජාතික ආණ්ඩුවක් පිහි‍ටුවීම සඳහා ශ්‍රී ලංකා නිදහස් පක්ෂය එකතු වෙනවාද නැද්ද යන තීරණය ගැනීම ශ්‍රී ලංකා නිදහස් පක්ෂයේ සභාපති, ලේකම් හා ජාතික සංවිධායකවරයාට බලය පැවැරීමට ශ්‍රිලනීප මධ්‍යම කාරක සභාව අද සවස තීරණය කර තිබේ. ඒ නිලවශයෙන් එසේ වූවද මෙම තීරණය ගැනීම ජනාධිපතිවරයා මත පැටවෙන්නක් බව පැහැදිලි කරුණකි.

හිටපු ජනාධිපති මහින්ද රාජපක්ෂ මහතාගේ බැසිල් සහ නාමල් රාජපක්ෂවරුන්ගේත් කුළුපග හිතවතෙකු මෙන්ම විවිධ ව්‍යාපාර සඳහා කුප්‍රකට ඩීල්කරුවකු ජනාධිපති මාධ්‍ය අංශ තුල රිංගා ගැනීමට මහත් වෙහෙසක් දරමින් සිටී.

තවමත් රාජ්‍ය කටයුතු මෙහෙයවන්නේ පරණ රාජපක්ෂ හිතවාදීන් අතින් බව රාජිත සෙනාරත්න මහතා අද පැවැති කැබිනට් තීරණ දැනුම් දීමේ මාධ්‍ය හමුවේදී පැවැසීය. පොලීසියේ රහස් පොලීසියේ ඉන්නේ ඒ අයගෙ කට්ටිය බවත් මේ නිසා ඒ අයට ලෙහෙසියෙන් උත්තර දිය හැකි ප්‍රශ්න සඳහා පරීක්ෂණ කටයුතු මෙහෙයවන බවටත් ඔහු චෝදනා කළේය.

පසුගිය රජය සමයේ යාපනයේ ඉදිකළේ ජාත්‍යන්තර සම්මන්ත්‍රණ ශාලාවක් බවත් එය මන්දිරයක් නොවන බවත් හිටපු ජනාධිපති මහින්ද රාජපක්ෂ මහතා නිකුත් කළ නිවේදනයක දැක්වේ.

ඒකීය රටක් තුල ස්ථිර දේශපාලන විසඳුමක් ඉල්ලා සිටිමින් දෙමළ ජනතාව, දීර්ඝ කාලයකට පසු, ප්‍රජාතන්ත්‍රවාදයට තම පුර්ණ සහයෝගය ලබාදී ඇති බව ප්‍රකාශ කර ඇති දෙමළ ජාතික සන්ධානයේ නායක ආර්.සම්බන්ධන්, එම සහයෝගය ලබාදුන් දෙමළ ජනතාව දැඩි විශ්වාසයකින් සිටින බවත්, රජය එය ආරක්‍ෂා කළ යුතු බවත් ප්‍රකාශ කර ඇත.

පසුගිය කාලයේ ඒකාධිපති පාලනයක් දැක ගත හැකි වූ බවත්, එම තත්වය වෙනස් විය යුතු බවත්, යහපාලනයක් වෙනුවෙන් දෙමළ ජනතාව ඡන්දය ප්‍රකාශ කළ බවත් ඔහු ප්‍රකාශ කර ඇත.

පසුගිය 03 වන දින නැගෙනහිර පළාතේ සංචාරය කළ ජනාධිපති මෛත්‍රීපාල සිරිසේනගේ ප්‍රධානත්වයෙන් නැගෙනහිර පළාත් සංවර්ධන කමිටු රැස්වීම ත්‍රිකුණාමලය දිස්ත්‍රික් ලේකම් කාර්යාලයෙදී පවත්වා ඇත. මෙම රැස්වීමට සහභාගි වී කතා කළ අවස්ථාවේදී ආර්.සම්බන්ධන් මේ බව ප්‍රකාශ කර ඇත.

“මෙරට ජීවත් වන සියළු ජනතාවගේ සහයෝගය ලබාගත් ඔබතුමා දේශපාලනික වශයෙන් හිටපු ජනාධිපතිවරයාව පරාජය කර, ප්‍රථමවරට ජනාධිපතිධුරය හොබවමින් සිටියි. ඔබතුමා නීත්‍යානුකූලව හිටපු ජනාධිපතිවරයාව පරාජය කර ඇත. උතුර, නැගෙනහිර, දකුණ සහ බස්නහිර යන සියළු ප්‍රදේශයන්හි ජීවත් වන ජනතාව සහයෝගය ලබාදීම හේතුවෙන්, ඔබතුමා ජනාධිපති ධුරයට පත්වී ඇත. එවැනි සහයෝගයක් මත ඔබතුමාගේ බලය තහවුරු වූ බව මා අදහස් කරන්නෙමි.

‘උතුරු නැගෙනහිර සහ දකුණේ ජිවත් වන ජනතාවගේ හදවත් එක්කළ යුතුය’ යනුවෙන් ඔබතුමා නිදහස් දින උත්සවයේදි කල ප්‍රකාශයට මා මුළු හදවතින්ම ප්‍රශංසා කරන්නෙමි. පසුගිය ජනාධිපතිවරණයෙදී යහපාලනයක් වෙනුවෙන් අපගේ පක්‍ෂයේ සහයෝගය ලබාදුන් අතර, අපගේ දෙමළ ජනතාව තම ඡන්දය ඔබතුමාට ලබාදෙන ලදි.

පසුගිය කාලයේ බලයට පැමිණි සියළු රජයෙන් විසින් උතුරු නැගෙනහිර ජීවත් වන දෙමළ ජනතාව නොසලකා හැර ඇත. එමෙන්ම පසුගිය කාලයේ ඒකාධිපති පාලනයක් ක්‍රියාත්මක විය. එම තත්වය වෙනස් විය යුතුය. සෑම අංශයකම කටයුතු ස්වාධීන විය යුතුය. අප ඒ වෙනුවෙන් සහයෝගය ලබාදුන්නෙමු. පසුගිය කාලයේ අධිකරණය, විශේෂයෙන් ශ්‍රේෂ්ඨාධීකරණය සහ මහාධිකරණයේ කටයුතු වලට ගරුත්වයක් ලැබී නොමැත. ඒකාධිපති පාලන ක්‍රමය තුළින් අධිකරණයේ ස්වාධිනත්වය නැතිකරන ලදි. ජනතාවට ප්‍රජාතන්ත්‍රවාදය අහිමි විය.

ප්‍රජාතන්ත්‍රවාදය වටිනා දෙයකි. සියළු දෙනාට සියළු ආකාරයෙන් ගරුකළ යුතුය. එසේ සිදුකළහොත්, සම්පුර්ණ බලය ලබාගැනීමට හැකිවනු ඇත. ඒකීය රටක් තුල ස්ථීර දේශපාලන විසඳුමක් ඉල්ලා සිටිමින් දෙමළ ජනතාව දීර්ඝ කාලයකට පසු ප්‍රජාතන්ත්‍රවාදයට තම පුර්ණ සහයෝගය ලබාදී ඇත.

ත්‍රිකුණාමළය හින්දු භක්තිකයින් වැඩි වශයෙන් ජිවත් වන පුජනීය භූමියක් වේ. මෙහි කොනේශ්වරම් කෝවිලත්, කාලි කෝවිලත් , ඝණ දෙවි කෝවිලත් දැක ගත හැකිය.පෞරාණික ඉතිහාසයක් ඇති මෙම කෝවිල් වලට සියළු ජනතාව ජාති ආගම් භේදයකින් තොරව පැමිණ වන්දනා කරයි. ඔබතුමාගේ යහපාලනයට සියළු දෙවියන්ගේ අශිර්වාදය ලැබේවායි ප්‍රාර්ථනා කරන්නෙමු” යනුවෙන් ආර්.සම්බන්ධන් ප්‍රකාශ කර ඇත.

ලංකාටීනිව්ස් ඇසුරෙනි