කොළඹ පැරණි පාර්ලිමේන්තු ගොඩනැගිල්ල තුල පවත්වාගෙන යන ජනාධිපති ලේකම් කාර්යාල සංකීර්ණයේ එක් කාමරයක් තුල රාජපක්ෂ පවුලට අයත් කාල්ටන් ස්පොර්ට් නෙට්වර්ක්(CSN) හී කාර්යාලයක් පවත්වාගෙන ගොස් තිබෙන බව හෙළිව තිබේ.

විශේෂ කාර්යයන් පිළිබඳ ඇමැති ලෙස ආචාර්ය සරත් අමුණුගම මහතා මීට සුළු මොහොතකට පෙර ජනාධිපති මෛත්‍රීපාල සිරිසේන මහතා ඉදිරියේදී දිවුරුම් දුන්නේය.

විදුලි සංදේශ නියාමන කොමිසමේ ත්‍යාග මුදල් අයථා පරිහරණය කරමින් නීති විරෝධී ලෙස දේපළ උපයා ඇති බව කියන එම කොමිසමේ හිටපු අධ්‍යක්ෂක ජනරාල් අනූෂ පැල්පිට මහතාගේ හා බිරිඳගේ පුතුගේ ගිණුම් සම්බන්ධ විස්තර රහස් පොලිසියට ලබා දෙන ලෙසට කොළඹ ප්‍රධාන මහේස්ත්‍රාත් ගිහාන් පිලපිටිය මහතා ඊයේ (21) මූල්‍ය ආයතන 81ක කළමනාකරුවන් වෙත නියෝග නිකුත් කළේ ය.

විදේශ කටයුතු අමාත්‍යාංශයේ හිටපු අධීක්ෂණ මන්ත්‍රී සජින් ද වාස් ගුණවර්ධන මහතාගෙන් හා ඔහුගේ බිරියගෙන් රුපියල් 73,76,96044ක මුදලක් අයකර ගැනීමට හැකි නියෝග නිකුත් කරන ලෙස ඉල්ලා ෙපෟද්ගලික ලීසිං සමාගමක් කොළඹ වාණිජ මහාධීකරණයේ හා දිසා අධිකරණයේ නඩු හතරක් ගොනු කළේය.

ඇවන්ට්ගාඩ් සිද්ධියට අදාළ පරීක්ෂණ කිසිසේත් නතර කරන ලෙසට නීතිපතිවරයාට බලපෑමක් කර නැති බවත්, නීතිපතිවරයා ද එම පරීක්ෂණ අඛණ්ඩව සිදුකරන ලෙසට අදාළ අංශවලට උපදෙස් ඇති බවත්, අග්‍රාමාත්‍ය රනිල් වික්‍රමසිංහ මහතා පවසයි.

ලංකා විදුලි බල මණ්ඩලයට අයත් ලක්විජය - නොරොච්චොලේ තාප විදුලි බලා ගාරය සඳහා ගල් අඟුරු සැපයීමේ කොන්ත්‍රාත්තුව හරහා රුපියල් බිලියන 2.2ක අක්‍රමිකතාවයක් සිදුව තිබේ. එහි ඇති අනෙක් විශේෂත්වය වන්නේ ඊට කැබිනට් අනුමැතිය හිමිව තිබීමය.