අමෙරිකාවේ ටෙන්නේස්සේ ප‍්‍රදේශයේ නාවික හමුදාවට අයත් ගොඩනැගිලි දෙකකට ඇතුළු වූ තුවක්කුකරුවෙකු එල්ල කල වෙඩි ප්‍රහාරයකින් නාවික හමුදා සාමාජිකයින් සිව් දෙනෙකු ජිවිතක්ෂයට පත්වී තිබේ. තවත් සැලකිය යුතු පිරිසක් තුවාල ලබා ඇති බව වාර්තා වේ.
අවුස්විට්ස් නාසි කඳවුරේ පොත් තබන්නාට වසර හතරක සිර දඬුවම්
පසුගියදා ජර්මානු අධිකරණය අවුස්විට්ස් නාසි කඳවුරේ ආරක්ෂක නිලධාරියෙකු ලෙස සේවය කළ 94 හැවිරිදි පුද්ගලයෙකුට වසර හතරක සිර දඬුවමක් නියම කරනු ලැබුවා.
ග්‍රීක පාර්ලිමේන්තුව යුරෝපා නායකයන් යෝජනා කළ ආර්ථික ප්‍රතිසංස්කරණය පිළිගැනීමට එකඟතාව පළ කර තිබේ.
ඉරාන න්‍යෂ්ටික නව ගිවිසුමට එක්සත් ජනපද කන්සර්වේටිව් පක්ෂය විරෝධය පළ කර තිබේ. ඔවුන් පෙන්වා දෙන්නේ අදාළ ගිවිසුම හරහා අන්තර්ජාතික ආර්ථික සම්බාධකවල බලය අඩුවන බවයි.
මූල්‍ය අර්බුදය විසඳීම සඳහා ග්‍රීසියට තුන්වැනි වතාවටත් ණය ලබා දීමට යුරෝපා නායකයන් තීරණය කර ඇතැයි වාර්තා වේ. යුරෝපා හවුලේ නායකයන් අතර බෙල්ජියමේ බ්‍රෙසල්ස් නුවර පැවැති සාකච්ඡාවලින් අනතුරුව එම එකඟතාවලට පැමිණ ඇති බව පැවසේ.
මරාගෙන මැරෙන බෝම්බ ප්‍රහාරයකින් ඇෆ්ගනිස්ථානයේ 25ක් ජිවිතක්ෂයට
නැගෙනහිර ඇෆ්ගනිස්ථානයට එල්ල වු මරාගෙන මැරෙන බෝම්බ ප්‍රහාරයකින් පුද්ගලයින් 25 දෙනෙකු ජිවිතක්ෂයට පත්ව තවත් බොහෝ පිරිසක් තුවාල ලබා ඇතැයි විදෙස් වාර්තා සඳහන් කරයි.
ඉරාකයේ බැග්ඩෑඞ් අගනුවර සිදුවූ පිපිරීම් දෙකකින් පුද්ගලයන් 29 දෙනෙකු පමණ මියගොස් ඇතැයි වාර්තා වේ.
ඊජිප්තුවේ කයිරෝ අගනුවර පිහිටි ඉතාලි තානාපති කාර්යාලය අසල කාර් බෝම්බයක් පුපුරා ගොස් තිබේ. විදෙස් මාධ්‍ය වාර්තා කරන පරිදි ප්‍රහාරයේ වගකීම මෙතෙක් කිසිවෙක් බාරගෙන නොමැත.
