පොසොන් පොහොය වෙනුවෙන් අනුරාධපුරය පූජා නගරය වන්දනාමාන කිරීමට පැමිණෙන සැදැහැවතුන් සඳහා අද සිට විශේෂ බස් සහ දුම්රිය සේවා ක්‍රියාත්මක කර තිබේ.

ඍජු ආයෝජන ප්‍රවර්ධනය කිරීමේ සහයෝගීතාව සඳහා ශ්‍රී ලංකාව සහ සෞදි අරාබි රාජධානිය අතර අවබෝධතා ගිවිසුමකට එළඹීමට කැබිනට් අනුමැතිය ලැබී ඇත.

2024 යල කන්නය සඳහා වී මිල දී ගැනීම පිණිස සහනදායි පොලී අනුපාතයක් යටතේ බැංකු හරහා ඔඩපණ ණය යෝජනා ක්‍රමයක් ක්‍රියාත්මක කිරීම සඳහා කැබිනට් අනුමැතිය ලැබී ඇත.

දරුවන් වෙනුවෙන් ඉදිරි වසර 5 - 10 තුළ වඩා හොඳ රටක් නිර්මාණය කර දෙන බව ජනාධිපති රනිල් වික්‍රමසිංහ පවසයි.

ප්‍රසිද්ධ නිරූපන ශිල්පිනයක් වන පියුමි හංසමාලී මෙරට ප්‍රධාන පෙළේ බැංකු 08ක පවත්වාගෙන යන ගිණුම් 19ක වාර්තා කැඳවීමට කොළඹ අලුත්කඩේ අංක 04 මහෙස්ත්‍රාත් මංජුල තිලකරත්න නීතිවිරෝධී වත්කම් විමර්ශන කොට්ඨාසයට අවසර ලබා දී තිබේ.

යුනෙස්කෝ සංවිධානයට අනුබද්ධිත ඇමරිකාවේ වර්ජීනියා දූපත්හි පිහිටුවා ඇති ප්ලැනට් ග්‍රීන් ෆෝස් ( planet green force) ආයතනයේ ව්‍යාපෘතියක් වන හරිත පාසල් සංකල්පය සඳහා තෝරාගත් මෙරට ප්‍රථම පාසල ලෙසින් කොළඹ ආනන්ද විද්‍යාලයේදී හරිත පර්යේෂණ හා ඉගෙනුම් මධ්‍යස්ථානයට ඊයේ (19) මුල්ගල තබනු ලැබීය.

මහ බැංකුවේ සියයට හැත්තෑවකින් වැටුප් වැඩිකර ගැනීම ලබන වසර දක්වා අත්හිටුවීමට ඒ සම්බන්ධයෙන් සොයා බැලීමට පත් කළ කමිටුව නිර්දේශ කර තිබෙන බව මුදල් කාරක සභාවේ සභාපති ආචාර්ය හර්ෂ ද සිල්වා පැවසීය.

සාර්ව ආර්ථික ප්‍රතිපත්ති සම්පාදනය සහ ව්‍යුහාත්මක ප්‍රතිසංස්කරණ සඳහා පවතින රාමුවේ ආපසු හැරවීමක් සිදුවුවහොත් සමාජ හා දේශපාලන ස්ථාවරත්වය අනතුරේ විය හැකි බව ප්‍රකට ආර්ථික විද්‍යාඥ ආචාර්ය ඉන්ද්‍රජිත් කුමාරස්වාමි අනතුරු හඟවයි.