මෛත්‍රීපාල සිරිසේන ජනාධිපතිවරයා ඇතුළුව එක්සත් ජනතා නිදහස් සන්ධානයේ මහින්ද විරෝධි පාර්ශ්වයේ කොන්දේසි වලට හා විහිළු තහලු වලට යටත් වී නිවටයෙක් සේ සන්ධානයෙන් නාම යෝජනා බලාපොරොත්තු නොවී තනිව ඉල්ලා තම ශක්තිය පෙන්විය යුතු යැයි මහින්ද වාදී පිරිස් බොහොමයක් මහින්ද රාජපක්ෂ මහතාගෙන් ඉල්ලා තිබෙන බව වාර්තාවේ.

අලුතින් පිහිටුවා ගත් සෝමවංශ අමරසිංහ මහතාගේ නායකත්වයෙන් යුත් ජනතා සේවක පක්ෂය ඉදිරි මහ මැතිවරණය සඳහා හෙළ උරුමයේ නායකත්වයෙන් පිහිටුවා ඇති දියමන්තිය සලකුණ දරන එක්සත් යහපාලන ජාතික පෙරමුණ සමඟ එක්ව පාර්ලිමේන්තු මැතිවරණයට තරග කරන බව වාර්තා වේ.

විභාග ප්‍රශ්න පත්‍ර සකස් කිරීමේ දී හා පිළිතුරු පත් ඇගයීමේ දී ඒ සඳහා සුදුසු ප්‍රාමාණික දැනුමක් ඇති උගතුන් යොදා ගත යුතු බව ශ්‍රී ලංකා මානව හිමිකම් කොමිෂන් සභාව විභාග දෙපාර්තමේන්තුවට නියම කර ඇත.

යාපනයේ කයිට්‌ස්‌හිදී සමූහ දූෂණය කොට ඝාතනය කරනු ලැබූ පාසල් සිසුවියගේ ඝාතකයන්ට අධිකරණය මගින් මරණ දඬුවම් ලබාදුනහොත් සිවුරු හැරලා අළුගෝසුවා කාර්ය කිරීමට තමන් සූදානම් බැව් දකුණු පළාත් සභාවේ සන්ධානයේ මන්ත්‍රී බද්දේගම සමිත හිමියන් ඊයේ (07) දකුණු පළාත් සභා රැස්‌වීමේදී පවසා අැත.

එක්සත් ජනතා නිදහස් සන්ධානයේ නාමයෝජනා සම්බන්ධයෙන් අද(08) දිනය තුළ අවසන් තීරණයකට එළඹෙනු ඇති බව වාර්තා වේ.

මෙවර මහ මැතිවරණයේදී එක්සත් ජනතා නිදහස් සන්ධානයේ මැතිවරණ සටන් පාඨය වනු ඇත්තේ සිංහල බෞද්ධ වර්ගවාදය පදනම් කර ගත් ගෝත්‍රවාදී සටන් පාඨ කිහිපයක් පමණක් වනු ඇති බව දේශපාලන විචාරකයන් පෙන්වා දෙති.

එක්සත් ජනතා නිදහස් සන්ධානය නියෝජනය කළ දූෂන වංචා චෝදනා ලැබූවන්ට නාම යොජනා ලබා නොදීමට ගෙන තිබෙන තීරණය අභියෝගයට ලක කරන විමල් වෙරවංශ මහතාගේ ජතික නිදහස් පෙරමුණ ඊයේ නිකුත් කළ නිවේදයක් අනුව එම දූෂිතයන්ට නාම යෝජනා ලබා දීම සාධාරණීය කරනය කිරීම සඳහා තර්කයක් ගෙන එයි.

මහ මැතිවරණයේදී එක්සත් ජනතා නිදහස් සන්ධානයට බහුතර ආසන සංඛ්‍යාවක ලබා ජයග්‍රහණය කිරීමට නම් මහින්ද රාජපක්ෂට සන්ධානයෙන් නාම යෝජන ලබා දිය යුතු නමුත් ඔහුට අගමැති ධුරය ලබ දිය යුතු නැති බවටත් වන යෝජනාව ජනාධිපතිවරයාට ඉදිරිපත් කොට ඇත්තේ ඇත්තේ සන්ධානයේ ලේකම් සුසිල් ප්‍රේමජයන්ත මහතා බව හෙළිවේ.