වෛරසය මර්දනය සදහා දැඩි තීන්දු තීරණ ගැනීමට විශේෂ රැස්වීමක් !
කොවිඩ් වෛරසය රට පුරා සිඝ්‍රයෙන් පැතිරී යාම හේතුවෙන් කොවිඩ් මර්දනය සඳහා ක්‍රියාමාර්ග හා දැඩි තීන්දු තීරණ ගැනීමට විශේෂ ක්‍රියාකාරී කාර්යසාධන සමාලෝචන කමිටුවේ විශේෂ රැස්වීමක් සෞඛ්‍ය අමාත්‍ය පවිත්‍රා වන්නිආරච්චිගේ ප්‍රධානත්වයෙන් අද (10) පවත්වා තිබේනවා.
මෙම සතිය තුළ එන්නත ලබානොදුන්නොත් බස් රථ ධාවනයෙන් ඉවතට !
මෙරට සියලුම පෞද්ගලික බස් රථ සේවකයන් සඳහා මෙම සතිය තුළ කොවිඩ් එන්නත ලබානොදුන්නොත් බස් රථ ධාවනයෙන් ඉවත් වන බව ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න ප්‍රකාශ කර ඇත.
සැප්තැම්බර් පළමු සතිය වන විට මෙරට මරණ 20,000 ඉක්මවන බව තහවුරු වේ !
අමෙරිකාවේ වොෂිංටන් විශ්වවිද්‍යාලයට සම්බන්ධ සමීක්ෂණ ආයතනයක් අනුමාන කර ඇත්තේ පවතින තත්ත්වය හමුවේ 2021 සැප්තැම්බර් මස පළමු වනදා වන විට ශ්‍රී ලංකාවේ සමස්ත කොවිඩ් මරණ ගණන 20,000 ඉක්මවනු ඇති බවය.
සේවා ස්ථානය පිහිටි දිස්ත්‍රික්කයෙන් පිටත පදිංචි සේවකයින් සේවා ස්ථාන වෙත කැඳවීම සීමා කරන ලෙස ආයතන ප්‍රධානීන් වෙත උපදෙස් නිකුත් කර තිබේනවා .
කොළඹ ජනතාවට චීන එන්නත් මාත්‍රා 20,000 බැගින් දෛනිකව ලබා දීමට පියවර !
කොළඹ දිස්ත්‍රික්කයේ ජනතාවට චීනයේ නිෂ්පාදිත සයිනෝෆාම් එන්නත් මාත්‍රා 20,000 බැගින් දෛනිකව ලබා දීමට උපදෙස් ලබා දී තිබෙනවා.
අප්‍රේල් 01 වනදා සහ සැප්තැම්බර් 30 වනදා අතර කාලය තුළදී කල් ඉකුත්වන සියලුම රියදුරු බලපත්‍ර සඳහා සහනයක් ලබාදීමට මෝටර් රථ ප්‍රවාහන දෙපාර්තමේන්තුව තීරණය කර තිබේ.
ඒ අනුව එම කාලය අතරතුර කල් ඉකුත්වන සියලුම රියදුරු බලපත්‍ර, කල් ඉකුත්වන දිනයේ සිට තවත් මාස 6ක් සඳහා වලංගු බව එම දෙපාර්තමේන්තුව නිවේදනය කරයි.
සුරක්ෂිත ආහාර රටාවකට අනුව ජීවත්වන පුද්ගලයන් වැඩිම ගාල්ලේ බව හෙළිවේ !
මෙරට ආහාර සුරක්ෂිත භාවයෙන් ඉහළම සහ සුරක්ෂිත ආහාර රටාවකට අනුව ජීවත්වන පුද්ගලයන් වැඩිම ප්‍රමාණයක් සිටින දිස්ත්‍රික්කය වන්නේ ගාල්ල බවත්, එය 97%ක ඉහළ ප්‍රතිශතයක් බවත් ජනලේඛන හා සංඛ්‍යාලේඛන දෙපාර්තමේන්තුවේ සිදු කර ඇති ආහාර සුරක්ෂිතතා සමීක්ෂණයකින් අනතුරුව හෙළි වී ඇත.
ඉන්දියාවේ සිටින ශ්‍රී ලාංකිකයන් කඩිනම්න් ගෙන්වීමට පියවර !
සෞඛ්‍ය හේතූන් මත හෝ වෙනත් අවශ්‍යතා මත ඉන්දියාවට ගොස් සිටින ශ්‍රී ලාංකිකයන් නැවත ගෙන්වා ගැනීමේ වැඩපිළිවෙළක් කඩිනමින් ක්‍රියාත්මක කරන බවත් ඒ සඳහා අවශ්‍ය ක්‍රියාමාර්ග මීළඟ සතියේදී ගන්නා බවද සංචාරක අමාත්‍ය ප්‍රසන්න රණතුංග ප්‍රකාශ කර තිබෙනවා.
