උතුරු මැද පළාත් සමුපකාර වෙළෙඳ හා ආහාර කුඩා කර්මාන්ත, පේෂ කර්මාන්ත , ග්‍රාම සංවර්ධන හා සංචාරක අමාත්‍ය පේෂල බණ්ඩාර ජයරත්න මහතා එම ඇමැතිධුරයෙන් නෙරපා ඇතැයි වාර්තා වේ. එයට හේතුව වී ඇත්තේ ඔහු මෛත්‍රීපාල සිරිසේන මහතාට සහය දැක්වන්නේය යන සැකයයි.
ජනාධිපතිවරණයේ දී පොදු අපේක්ෂකයා ලෙස ඉදිරිපත් වීමට නියමිත නියමිත මෛත්‍රීපාල සිරිසේන මහතා 'අපේ ජාතික පෙරමුණ' නමින් වූ පුළුල් පෙරමුණක් ලෙස ක්‍රියාත්මක වනු ඇති බව වාර්තාවේ. පොදු අපේක්ෂකයාගේ ඡන්ද සලකුණ 'දුරකථනය'යයි.
හිලරි ක්ලින්ටන්ට සුපිරි ඝනයේ ජනාධිපතිවරියක් වෙන්න පුළුවන්
ඇමෙරිකාවේ මීළග ජනාධිපතිවරණයට හිටපු රාජ්‍ය ලේකම් හිලරි ක්ලින්ටන් ඉදිරිපත් වුවහොත් ඇය සුපිරි ඝනයේ ජනාධිපතිවරියක් වීමට ඉඩ ඇති බව ජනාධිපති බැරැක් ඔබාමා පවසයි.
මෙරට මුහුදු සීමාව උල්ලංඝණය කරමින් ධීවර කටයුතු වල නිරත වූ ඉන්දීය ධීවරයින් 14 දෙනෙකු නාවික හමුදාව විසින් අත්අඩංගුවට ගෙන තිබේ.
2015 වසර සඳහා ඉදිරිපත් කළ අයවැය යෝජනාවලිය සම්බන්ධයෙන් වන අවසන් ඡන්ද විමසීම අද සිදු කෙරේ. අයවැය ඡන්ද විමසීමේදී යම් පෙරළියක් සිදුවනු ඇති බවට පළවන මතවාද සම්බන්ධයෙන් මේ වන විට වැඩි අවධානයක් යොමුවී ඇත. දේශපාලන පක්ෂ කුමන ආකාරයකින් මෙවර අයවැය අවසන් ඡන්ද විමසීමේදී කි‍්‍රයා කරන්නේදැයි මෙතෙක් නිශ්චිතව ප‍්‍රකාශ වී නොමැත.
ශ්‍රී ලංකා නිදහස් පක්ෂයේ මැද කොළඹ සම සංවිධායකයින් වන පාර්ලිමේන්තු මන්ත්‍රී ෆයිසර් මුස්තාපා මහතා හා පළාත් සභා මන්ත්‍රීනි හිරුනිකා ප්‍රේමචන්ද්‍ර මෙනවිය ජනාධිපති පොදු අපේක්ෂක මෛත්‍රීපාල සිරිසේන මහතාට සහය පළකරමින් ආණ්ඩුවෙන් ඉවත්වීමට තීරණය කර ඇතැයි වාර්තාවේ.
