ෆීල්ඩ් මාර්ෂල් සරත් ෆොන්සේකාට නීතිය හා සාමය අමාත්‍යංශය බාර දීමට එජාප නායකත්වය විසින් තීරණය කර තිබුණද ඊට එරෙහිව ඒකාබද්ධ විපක්ෂයට හිතැති කහකඩධාරීන්ගේ විරෝධය පි‍ටුපස සිටින්නේ ජනාධිපතිවරයාගේ පාර්ශ්වයේම කොටසක් බවට තොරතුරු අනාවරණය වේ.

දේශපාලකයන්ගේ බලය ඉදිරියේ දණ නොගසන තරුණ පරපුරක් නිර්මාණය කළ යුතු බව ඇමති මංගල සමරවීර මහතා පවසයි. ඔහු මේ බව සදහන් කළේ අද මාතර බාලිකා විදුහලක පැවති උත්සවයකට සහභාගි වෙමින්ය.

ජනාධිපතිවරයා පසුගිය පළාත් පාලන මැතිවරණ වේදිකාව පාවිච්චි කළේ රනිල් හොරා කියන්නය. අගමැති තනතුර වෙනස් කරන්නත් මහ මෙහෙයුමක් දියත් කළේය. තමුන් මේ හොරු අල්ලා අවීචි මහනරකාදියට යවා මිසක් තනතුරෙන් යන්නේ නැති බවද කීවේය.

ජනාධිපති මෛත්‍රීපාල සිරිසේනට එරෙහිව වන බලවේගවලින් ඔහුව රැක ගතයුතු බව අගමැතිවරයා එජාප මන්ත්‍රී කණ්ඩායමට දැනුම් දී තිබේ. කිලී මහරාජා සහ ඔහුගේ මාධ්‍ය නඩයත් ,ඔහුගෙන්ම වරප්‍රසාද ගන්නා ගොබ්බ ජනාධිපති උපදේශකයෝ , මහරාජා යටතේ තිබෙන් ජනාධිපති මාධ්‍ය අංශයත් සහ මහින්ද රාජපක්ෂගේ පොහොට්‍ටු කණ්ඩායමත් විසින් මේ වන විට ජනාධිපතිවරයාව දැඩී පීඩනයකට ලක් කර ඇති බවත් එම නිසා මේ මොහොතේදී ඔහුට ශක්තියක් වීම මිස ඔහුව විවේචනයට නොකරන ලෙස අගමැතිවරයා අවධාරණය කර තිබේ.

මහින්ද රාජපක්ෂගේ පොහොට්‍ටු කණ්ඩායම ලබාගත් ඊනියා ජයග්‍රහණය ආපස්සට හරවා පොහොට්‍ටු කණ්ඩායම සීසීකඩ කිරීම සඳහා එජාප හා ශ්‍රීලනීප ඒකාබද්ධ මෙහෙයුමක් දියත් කිරීමට සැලසුම් සකස් කෙරෙමින් පවතින බව ශ්‍රීලනීප අභ්‍යන්තර ආරංචි මාර්ග පවසයි.