ශ්‍රි ලංකා නිදහස් පක්ෂය දෙකඩ කර, ජනාධිපති මෛත්‍රීපාල සිරිසේන මහතා ශ්‍රි ලනිපය තුල ශක්තිමත්වීම වැලැක්වීම සඳහා බැසිල් රාජපක්ෂ මහතා පසුගිය කාලයේ ගෙන ගිය වැඩ පිළිවෙල ඉන්දීයානු රජයේ අනුදැනුම ඇතිව සිදූවූවක් බව දේශපාලන ආරංචි මාර්ග පවසයි. ඉන්දියාවේ රහස් ඔත්තු සේවය වන රෝ සංවිධානය මේ මෙහෙයුම සිදු කර තිබේ.
අධ්‍යාපන අමාත්‍යවරයා වන අඛිල විරාජ් කාරියවසම් නැමැති සාමාන්‍ය දැනීමක් නොමැති අමාත්‍යවරයා විසින් සිදුකරන ලද ප්‍ර‍කාශයක් දැඩිලෙස විවේචනයට ලක්කරමින් ලංකා ගුරු සංගමය ප්‍ර‍කාශකරන්නේ සිසුන්ගේ මානුෂීය ප්‍ර‍ශ්න සදහා මීට වඩා සංවේදීව කටයුතු කරන ලෙසයි. මවට HIV ඒඩ්ස් රෝගය වැළදී ඇතැයි යන කටකතාව නිසා පාසලට ඇතුලත්වීමේ වරම් අහිමිවූ කුලියාපිටියේ සිසුවා වෙන්කොට තබා පුනුරුත්ථාපනය කලයුතු බවට අධ්‍යාපන අමාත්‍යවරයා විසින් සිදුකරන ලද ප්‍ර‍කාශය මෙලෙස දැඩි දෝෂ දර්ශනයට තුඩුදී ඇත.
පසුගියදා බී.බී.සී සංදේශය සමග කරන ලද සාකච්ඡාවකදී අමාත්‍යවරයා ප්‍ර‍කාශකර ඇත්තේ අදාල දරුවා මවගෙන් සහ පාසලෙන් වෙන්කර පුනුරුත්ථාපනය කල යුතුබවට කලාප අධ්‍යාපන අධ්‍යක්ෂකවරයාට තමන් උපදෙස් ලබාදුන් බවයි.
එවැනි නින්දිත සහ අධම නියෝග ලබාදෙන්නේ අදාල රෝගය සහ එහි පැතිරයාම සම්බන්ධව අවම හෝ අවබෝධයක් නැති පුද්ගලයෙක් මිස අන් කිසිවෙක් නොවේය. මේ පිළිබද ලංකා ගුරු සංගමයේ ලේකම් ජෝශප් ස්ටාර්ලින් කියා සිටියේ ඇමැතිවරයා මේ ප්‍ර‍ශ්නය සම්බන්ධව මීට වඩා සංවේදීව අවධානය යොමුකල යුතු බවයි.
එසේම කිසිවිටක දරුවා මවගෙන් වෙන්කිරීම නොකළ යුතු බවත්, එසේ කිරීමට අමාත්‍යවරයාට හෝ අධ්‍යාපන අධ්‍යක්ෂකවරයාට කිසිදු අයිතියක් නොමැති බවද ඔහු වැඩිදුරටත් කියා සිටියි.
“අධ්‍යාපන අමාත්‍යවරයා කොහොමද හරියටම කියන්නේ දරුවාගේ මවට HIV ඒඩ්ස් වැලදිලා කියලා. එයා ගිහින් පරික්ෂාකරලා බැලුවද? තාත්තා කෙනෙක් විදිහට අධ්‍යාපන අමාත්‍යවරයා දැනගන්න ඕන සේරම දෙමව්පියෝ තමන්ගේ දරුවන්ට ආදරෙයි කියලා. මෙහෙම අධම ප්‍ර‍කාශකරන එක එච්චර හොද ආදර්ශයක් නෙවෙයි තමන්ගේ තනතුරට“
ගුරු සංගමයේ ලේකම් ස්ටාලින් මහතා මේ පිළිබදව එලෙසින්ද අදහස් දක්වා සිටියහ. මෙම ප්‍ර‍ශ්නය සදහා මේ වනවිට ජනපතිවරයාද මැදිහත්වී ඇති අතර ආදි ශිෂ්‍ය සංගමයේ පෙළඹවීම මත මහනුවර ප්‍රදේශයේ පාසලක් අදාල දරුවාට තම විද්‍යාලයේ ඉඩ වෙන්කර දීමට සූදානම් බවයි.
පාතාල කල්ලි නැවතත් සක්‍රීයවී ඇත. කාගේ වුවමනාවට සිදුවෙනවාදැයි නොතේරෙන තරමට තැන තැන මිනීමැරුම් සහ අතපය කැපිලි වර්ධනයවී ඇත. රටේම අවධානය නැවතත් පාතාලයේ හිස එසවීම දෙසට යොමුවෙද්දී ආණ්ඩුව තමවත් තක්බීර්වී සිටින්නේ කලයුත්තේ කුමක්ද කියා නොදැනය. එ.ජා.ප ආණ්ඩු මර්දනයන් පිළිබද නොදන්නා අතදරුවන් ලෙස පස්ස කසමින් මේ මොහොතේ සිටියත් උතුරේ දකුණේ වෙනසක් නැතිව දහස් ගණනක් ජීවිත නසා දැමූ ජන ඝාතනවලට එ.ජා.ප ආණ්ඩුවද සෘජු හා වක්‍රලෙස සම්බන්ධය. ඒ නිසා දැන් බබා පාර්ට් දාගෙන පැත්තකට වී සිටියාට පලක් නැත.
මේ ආකාරයට පාතාලය නැගී සිටීම හමුවේ ජනතාව සිතනා ආකාරය දෙවිදිහකට උපකල්පනය කල හැක. එක් ආකාරයක්නම් ජනතාවගේ පරිකල්පනය වන්නේ යහපාලන ආණ්ඩුවට පාතාලය මට්ටු කිරීමට තරම් කොන්දක් නැත, එමෙන්ම ජනාධිපතිවරයාට සද්දයක් දමා පාතාලය බයකරගැනීමට ගැම්මක් නැත යන්නය. අනෙක් උපකල්පනයනම් මහින්ද රාජපක්ෂ ජනාධිපතිව සිටියදී පාතාලයට උන්හිටිතැන් නැතිවෙන්නට බැට දුන්බවත්, දැන් මහින්ද නැති නිසා පාතාලය හිස ඔසවන බවත්ය. ඒ නිසා සරලම උපකල්පනය පාතාලය හිස එසවීම නිසා වක්‍රාකාරව මහින්දට වාසියක් ලැබෙන සාධකයක් බවයි. හරියටම “කොටි නැගිටීමේ“ බිල්ලා ලෙසින්ම පාතාලය නැගිටීමේ බිල්ලා භාවිතා කරන්නට විමල්ලාට,ගම්මන්පිලලාට,දිනේෂ්ලාට නොමිලේම චාන්ස් එකක් ලැබෙනු ඇත. ඒ නිසා මේ පාතාලය නැගිටීමේ සිදුවීම්දාමය ආණ්ඩුවේ ආරක්ෂණ ක්‍ර‍මවේදයේ අසමත්භාවය පිළිබද සැකයක් මෙන්ම මහින්දලාගේ සැලසුමක් ද යන සැකයත් ද්විත්වාකාරයෙන් මතුවෙන අවස්ථාවක් ලෙස හදුනාගත හැක.
2007 සිට 2012 ඇතුලත කාල පරිච්ඡේදය මහින්දවාදීන්ට අනුව පාතාලය කම්බස්කල කාලසීමාවක් ලෙස හැදින්වේ.ඒත් මහින්ද කලේ තමන්ට පසමිතුරු පාතාලය සහ හිතමිතුරු එහෙත් අනාගතයේ ප්‍ර‍ශ්නයක් විය හැකියැයි සිතූ පාතාලය විනාශ කිරීම සහ එසේ නොවන කොටසට පාඩුවේ සිටින්නට හැරීමය. ඒ සමාව ලැබූ පාතාලය එක්කෝ නිල නොලත් ආරක්ෂකයන් බවට පත්වීය, නැතිනම් දේශපාලනයට හෝ ව්‍යාපාරවලට අත ගැසූහ. මහින්ද බලයෙන් පහවුණ පසු නන්නත්තාරවී සිටින ඔවුන් දැන් කලඑළි බැස තිබෙන්නේ මහින්ද වෙනුවෙන්ද යන සාධාරණ සැකයක් ඇතිවීම වැලැක්විය නොහැකිය.
ගාල්ල නගර ආසන්නයේ කලක පටන් පත්තුවෙන පතාලයේ ගැටුම පිටුපස සිටින්නේද බලය අහිමිවූ දේශපාලන බලවතෙක් සහ බල්ටි ගැසූ දේශපාලඥයෙක් බව ප්‍ර‍කට කරුණකි. අනුරාධපුරයේ පාතාලය පණ ගසාඑමින් කරාටේ වසන්ත ඝාතනය කරද්දී එය පිටුපස සිටින්නේද බංකොලොත් දේශපාලන චරිතයකි. පසුගිය දිනවල සිදුවූ සිදුවීම් දෙස විමර්ශණාත්මකව බලද්දී එවැනිම චරිත බොහෝ ප්‍ර‍මාණයක් සොයාගත හැකි බව සහතිකය. ඒ නිසා පාතාලය නැගී සිටීම දේශපාලනික සටන් පාඨයක් බවට පත්කරගැනීමේ වුවමනාවක් ඇති පිරිසක් සිටින බව අමතක කලයුතු නැත.
හෙට විපක්ෂයේ වේදිකාවල “කොටි නැගිටිනවා“ වෙනුවට “පාතාලය නැගිටිනවා“ ඇසෙනවා හොදටම විශ්වාසය. ඒ තුළින් නැවත මහින්ද රාජපක්ෂ බංකොලොත් විපක්ෂයේ කාඩ්බෝඩ් චරිත කිහිපය සමග නැවත බලය උදුරාගැනීමට මුට්ටිය දමා බැලීම නිසැකය. ඒ නිසාවෙන් පාතාලයේ මේ ක්‍රියාකාරකම් මහින්දගේ දේශපාලන බලය නැවත ලගාකරගැනීමේ ප්‍ර‍යත්නයේ කොටසක් නොවේයැයි කාහට තර්කකල හැකිද. අනිත් පැත්තෙන් වත්මන් ආණ්ඩුවේ දියාරු වැඩපිළිවෙල නිසා පාතාලයේ නැවත නැගීසිටීමට නිසි පිළිතුරක් ලබාදීමට නොහැකිව ඇත. විශේෂයෙන්ම පාතාලයට එරෙහිව ක්‍රියාත්මකවූ පෑලියගොඩ අපරාධ කොට්ටාශය, මිරිහාන විශේෂ විමර්ශණ ඒකකය, කොළඹ අපරාධ කොට්ටාශය වැනි ආයතන සම්පූර්ණයෙන්ම කඩාවැටී ඇති අතර ඒවා නැවත සක්‍රීය කිරීමට තවමත් ආණ්ඩුවේ සූදානමක් නැත.
දැනගන්නට ලැබී ඇති පරිදි පාතාල කල්ලි 15ක් පමණ නැවත සක්‍රීයව ඇත. කොළඹ, මිගමුව, ගාල්ල, තංගල්ල, වීරකැටිය වැනි ප්‍රදේශවල ඒවා දැඩිලෙස ක්‍රියාත්මක වෙයි. අනිත් පැත්තෙන් ඉස්ලාමීය අන්තවාදී කල්ලි කාතන්කුඩි,සමන්තුරේ සහ කන්තලේ යන ප්‍රදේශවල නිදැල්ලේ හැසිරෙන තත්ත්වයක් උද්ගතව ඇත. පොලීසිය තුල දක්ෂ නිලධාරීන් ඒවා මර්දනය සදහා යොදවා ඇත. ආණ්ඩුව හොරුන්ට එරෙහිව කටයුතු කරනා උදාසීන සහ මෙගාඩීල් මානසිකත්වයෙන්ම පාතාලයටද උත්තර දෙන අයුරු පෙනෙන්නට ඇත. ඒ නිසාවෙන් පාතාලය සාධකයක් කරගෙන දේශපාලන ගමන හදාගන්නට දගලන ඇත්තන්ට එරෙහිවද කණේ පාරක් දෙන්නට ඇති අවස්ථාව ආණ්ඩුව අහිමිකරගෙන ඇත.
ලංකාවේ පන්සල් වලට යන්නේ ඉස්සර නිවන් මාර්ගය අවබෝධ කරගන්න නැත්නම් සුද්ධ සිංහලෙන් කිව්වොත් හිතට නිවනක් ගන්න. ලංකාවේ සමහර සුපිරි පන්සල්වලට යන්න ඉස්සර ඉදන්ම විදේශිකයන්ගෙන් නම් රුපියල් දෙතුන් දාහක් ගත්තා. ඒත් ලංකාවේ මිනිස්සුන්ටනම් අගේට ඕන පන්සලකට ගිහින් මලක් පහනක් පූජා කරලා එන්න පුළුවන්කම තිබ්බා.
ඒකටත් එක්ක දැන් කොළඹ විතරක් නෙවෙයි ලංකාවේ හතරවටේම පන්සල්වල වැසිකිලියට ගියත් ගාණක් දෙන්න වෙන තත්ත්වයකට පත්වෙලා ඉවරයි. ඒ අස්සේ කොළඹ අලි කලබලයක් නිසා චාටර් වෙච්ච පන්සලක උන්නාන්සේ කෙනෙක් අපායෙනුත් ගරාගෙන කන කතාව දැන් රටටම එළිවෙලා ඉවරයි.
පන්සලේ හදලා තියන අපාය බලන්න යන්නත් රුපියල් විස්සක ටිකට් එකක් කඩද්දි පන්සල තට්ටු ගාණකට හදන්න සල්ලි එකතුවෙනවා කියලා ඉතින් අහන්න දෙයක්ද. පෝය දවසට මේ ආරාමේ බලන්න වැල නොකැඩි සෙනග එන නිසා අපායේ යන්නත් බරගාණක් සෙනග එනවා.
අපායෙනුත් ගරාගෙන කන උන්නාන්සේලාට අලි නෙවෙයි කොටි වුනත් ගන්න තරමට සල්ලි තියෙනවා කියන එක අහන්න දෙයක්ද. හැබැයි ඉතින් මේ උන්නාන්සේනම් ඉන්නේ හරියට රහත්වෙලා වගේ තමයිලු.
විශ්වවිද්‍යාල අධ්‍යාපන සහ මහමාර්ග ඇමැති ලක්ෂමන් කිරිඇල්ල කටඇරියොත් කතා කරන්නේ යහපාලනය ගැනය. නමුත් ඉතිහාසයේ පළමුවෙනි වතාවට එළිපිට තමන්ගේ පුද්ගලික හැඳුනුම්කමක් ඇති පුද්ගලයෙක්ට කථිකාචාර්ය තනතුරක් ලබාදෙන ලෙස අංශාධිපතිවරයෙක්ට රාජකාරී ලිපියක් යවන්නට තරම් කිරිඇල්ල පත්වතිබීම තුළින් කිරිඇල්ලලාගේ යහපාලනය රෙද්ද පල්ලෙන් බේරෙන තත්ත්වයක් උද්ගතවී ඇත.
පසුගිය රජය පැවති සමයේ දී එවකට විපක්ෂ නායක ලෙස කටයුතු කළ රනිල් වික‍්‍රමසිංහ මහතා පාර්ලිමේන්තුවේ දී හා මහජන රැස්වීම් වල දී පැහැදිලිවම සඳහන් කළේ කොළඹ වරාය නගර ව්‍යාපෘතිය නීති විරෝධී හා හානිකර ව්‍යාපෘතියක් බවත් එහි දී සිදු වී ඇති ගණු දෙණු හා චීන සමාගම සමඟ ඇති කර ගත් ගිවිසුම් නීති විරෝධී වන බවත් යග එපමණක් නොව එක්සත් ජාතික පක්ෂ රජයක් පිහිට වූ පසුව වරාය නගර ව්‍යාපෘතිය සම්පූර්ණයෙන්ම නතර කරන බව ද ඔහු පවසා සිටියේය.
අසංක සායක්කාරගේ නිර්මාණයක් වන සංඝදාසගේ චූටි කලිසම නාට්‍යයේ විශේෂ දර්ශනයක් 2016 මාර්තු 5 දිනයේ බොරැල්ල නාමෙල් මාලනී පුංචි තියටර්හිදී වේදිකාගත වෙයි. 3.30 සහ 7.00 දර්ශනවාර දෙකක් ලෙසින් සවිධානය කර ඇති මෙම විශේෂ නාට්‍ය දර්ශනවාරය ශ්‍රී ලංකා තරුණ ජනමාධ්‍යවේදීන්ගේ සංගමය විසින් සංවිධානය කර ඇත.
පොදු විපක්ෂය කියලා ආතක් පාතක් නැතිව නන්නත්තාරවෙලා ඉන්න දේශපාලන අනාථයෝ පිරිස අටවාගන්න යන අලුත් පක්ෂයේ තනතුරු බෙදාගන්න බැරිව දැනටම කචල් කියලා වටින් ගොඩින් ආරංචි මාර්ග ලාබෙනවා. මේ කචල් වලට ප්‍ර‍ධාන හේතුව වෙලා තියෙන්නේ අලුත් පක්ෂයේ ජාතික සංවිධායක තනතුරට නන්නත්තාර වෙලා ඉන්න රජ පවුලේ කෙනෙක් සහ දකුණේ කොට දේශපාලඥයෙක් බරපතලව රණ්ඩු පටන් අරගෙනලු.
දකුණේ ඉඳගෙන ජාතික සංවිධායකකමට ඉව අල්ලන දේශපාලඥයා කියනවලු පක්ෂේ පරාද වෙන්න ප්‍ර‍ධාන හේතුවක් වුන හිටපු රාජකීය පවුලේ සාමාජිකයාට මේ තනතුර දෙනවනම් තමන් පක්ෂේ පළාතේවත් ඉන්නේ නෑ කියලා. කොහොමවුනත් මේ කතාව අනුමත කරලා ඒ මතයේම ඉන්න පිරිසක් අනාථ කණ්ඩායම ඇතුලේ හැදිලා ඉවරයිලු.
ඒ වගේම හිටපු රාජකීය පවුලේ සාමාජිකයාට තනතුර දෙන්න ඕන කියලා හොරොන් හොරෙන් වැඩ කරන පිරිසකුත් කණ්ඩායම ඇතුලේ හැදිලා ඉවරයි. ඒක නිසාම අලුත් පක්ෂය අටවගන්න වැඩේ දැන් ජල්බරියක් වේගෙන එන පාටක් තමයි තියෙන්නේ. කොහොම වුනත් ඒ හැමදේම අස්සේ පක්ෂේ කඩලා දානවා කියලා නිදහස් පක්ෂෙන් මහින්ද රාජපක්ෂ මහත්මයාට චෝදනා එල්ල කරන නිසා එතුමත් දැන් වැඩේට දරුණු විදිහට පස්ස ගහන්න පටන් අර‍ගෙන.
ඒක නිසා දැන් අනාථ පිලේ අලුත් පක්ෂේ වැඩේ අවුල් ජාලාවක් වෙලා, කචල් ගොඩක්වෙලා අන්තිමට ඇරඹුමම කඳුලක් වෙලා කියලා තමයි ආරංචි
