රටට අවශ්යව ඇත්තේ සංසුන් මනසක් සහිත ප්රතිවිරුද්ධ මතවාද ඉවසා සිටීමට තරම් ධෛර්යයක් ඇති පුද්ගල පෞරුෂයක් මිසක රාජපක්ෂ මහතා වැනි සාමාන්ය ජනතාව සමග පොර බදන්නකු නොවන බව එජාප මහලේකම් කබීර් හෂීම් මහතා මාධ්ය නිවේදනයක් නිකුත් කරමින් පවසයි.
එම නිවේදනය වැඩිදුරටත් මෙසේ සදහන්ය.
මහින්ද රාජපක්ෂගේ දස වසරක පාලන සමය යනු තර්කයන් හා බොරුවෙන් සත්ය යටපත් කළ කාල පරාසයක්ම විය. දැන් ඔහු යළිත් වතාවක් උත්සාහ කරමින් සිටිනුයේ තර්කයෙන් හා බොරුවෙන් මහ පොළොවේ ඇත්ත යටපත් කිරීමටය. පසුගිය ජනාධිපතිවරණ සමයේ දී තමන්ට එරෙහිව එල්ල වූ චෝදනා අමූලික බොරු බේගල් බව කියමින් ප්රචාරක යුද්ධයක් රාජපක්ෂ දැන් අරාඹා තිබේ. පුවත්පත් පිටු පුරා දැන්වීම් පළ කරමින් තම කළු චරිතයට ගිලිහුණු වටිනාකමක් ලබා ගැනීමේ බාල උත්සාහයක, හිටපු ජනාධිපතිවරයා හා ඔහුට සහාය දෙන, ඔහුගේ පහනින් දියවන්නාව තරණය කිරීමට සිහින දකින කණ්ඩායම් නිරතව සිටී. එම බොරු බේගල් සමාජ ගත කිරීමේ දී නම සදහන් කිරීමට පවා ධෛර්යයක් හිටපු ජනාධිපතිවරයාට හා ඔහුගේ අන්තේවාසිකයන්ට නොමැති බව පෙනෙන්නට ඇත. කෙසේ වෙතත් මේ සිද්ධිය බරපතළ සිදුවීම් රැසක් නිර්මාණය කර තිබේ.
මහින්ද රාජපක්ෂ චරිතය උත්කර්ෂයට නැංවීම වෙනුවෙන් පසුගිය 21 වැනි දා ජාතික පුවත්පත් කිහිපයක පළ කර තිබූ දැන්වීමක සඳහන් කර ඇත්තේ තවමත් පරීක්ෂණ අවසන් නොවූ කාරණා කිහිපයක් පිළිබඳවය. එවැනි පසුබිමක මෙවැනි දැන්වීමක් පළ කිරීම යනු එම පරීක්ෂණ කටයුතුවලට කරන අයුතු මැදිහත් වීමක් බව පැහැදිලිය. අනෙක් අතට මෙම දැන්වීම පළ කර ඇත්තේ එය ප්රකාශයට පත් කරන්නා කවුරුන් ද යන්න පිටතට ප්රකාශ නොකරමිනි. එබැවින් එම දැන්වීම සම්බන්ධයෙන් විශේෂයෙන්ම එහි නෛතික පදනම සම්බන්ධයෙන් මැතිවරණ කොමසාරිස්වරයාගේ අවධානය වහා යොමුවිය යුතුය. ඒ මෙම ක්රියාවම ඉදිරියේ දී යළිත් සිදුකිරීමට ඉඩ ඇති බැවිනි.
මහ මැතිවරණය ආශ්රිත ප්රචාරක ක්රියාවලිය තුළ එක්සත් ජාතික පෙරමුණට දිනෙන් දින හිමිවන ඉහළ ජනතා සහයෝගය හමුවේ රාජපක්ෂ හිතවාදීන් පරාජයෙන් වියරු වැටී සිටින ආකාරයක් පෙනෙන්නට තිබේ. කෙතරම් බොරු අවලාද සමාජගත කළ ද ජනවාරි 08 වැනි දා රටේ සිදු වූ නිහඬ විප්ලවය ආපසු හැරවීමේ කැමැත්තක් තමන්ට නොමැති බව ජනතාව යන යන තැන එක හඬින් රොද බඳිමින්, පෙන්වමින් සිටිති. එය දරාගත නොහැකි මහින්ද රාජපක්ෂ මන්ත්රීධූර අපේක්ෂකයා ජනතා නායකයෙකුට අනිවාර්යෙන් තිබිය යුතු සංසුන් මනස ද දැන් අහිමි කර ගෙන ඇත. එය හිටපු ජනාධිපතිවරයා වෙතින් ගිලිහෙමින් ඇති ආකාරය පසුගිය 21 වැනිදා අකුරැස්සේ කුප්රකට සිදුවීමේ දී මුළු රටටම දැනගත හැකි විය. අද මේ රටට අවශ්යව ඇත්තේ සංසුන් මනසක් සහිත ප්රතිවිරුද්ධ මතවාද ඉවසා සිටීමට තරම් ධෛර්යයක් ඇති පුද්ගල පෞරුෂයක් මිසක රාජපක්ෂ මහතා වැනි සාමාන්ය ජනතාව සමග පොර බදන්නකු නොවේ. මේ රට ඉදිරියට ගෙන යා හැක්කේත්, රට තුළ ස්ථාවරභාවයක් ගොඩනැගිය හැක්කේත් සංසුන් මනසක් හා ඉදිරි දැක්මක් සහිත නායකයෙකුට බව ජනතාව අද වේගයෙන් තේරුම් ගනිමින් සිටිති
පළාත් සභා සහ ප්රාදේශීය සංවර්ධන අමාත්ය ජනක බණ්ඩාර තෙන්නකෝන් මහතා සිය අමාත්ය ධුරයෙන් ඉල්ලා අස්වීමට තීරණය කර අැත. ඔහු මේ බව පවසා අැත්තේ දඹුල්ලේ තම නිවසේ පැවති මාධ්ය හමුවකදීය.ඉල්ලා අස්වීමට අදාළ ලිපිය මේ වන විට ජනාධිපතිවරයා වෙත යොමු කර තිබේ.
හමුදා අංක තහඩුවක් හා තවත් අංක තහඩුවක් සවිකර තිබූ සුදුපැහැති කැබ්රථයක තිබී අනුරාධපුර සන්ධාන අපේක්ෂකයෙකුගේ පෝස්ටර් 4500ට අධික තොගයක් සමග පුද්ගලයින් දෙදෙනෙකු කැබිතිගොල්ලෑව, කොන්ගොල්ලාව ප්රදේශයේදී අද (24)අළුයම අත්අඩංගුවට ගෙන තිබේ.
එක්සත් ජාතික පෙරමුණේ මහමැතිවරණ ප්රතිපත්ති ප්රකාශනය ඊයේ(24) පෙරවරුවේ එළිදැක්වින.
'මාස හැටකින් අලුත් රටක් සඳහා පංචවිධ ක්රියාවලිය'නම් ප්රතිපත්ති ප්රකාශනය එළි දැක්වීමේ මෙම උත්සවය පැවැත්වුණේ, අග්රාමාත්ය රනිල් වික්රමසිංහ මහතාගේ ප්රධානත්වයෙනි.
ආර්ථිකය දියුණු කිරීමේ ක්රියාවලිය, දූෂණය මුලිනුපුටා දැමීමේ ක්රියාවලිය, නිදහස තහවුරු කිරීමේ ක්රියාවලිය, යටිතල පහසුකම් සදහා ආයෝජන ක්රියාවලිය හා අධ්යාපනය ඉහල නැංවීමේ ක්රියාවලිය එක්සත් ජාතික පෙරමුණ තම ප්රතිපත්ති ප්රකාශය මගින් හඳුන්වාදෙන පංච විධ ක්රියාවලියයි.
මහබැංකු භාණ්ඩාගාර බැදුම්කර ගනුදෙනුව විමර්ශනය කිරීමට පත්කළ ‘කොප් කමිටුව’ නිකුත්කළ නිසි වාර්තාවක් ඇත්නම් ඉදිරිපත් කරන්නැයි එම කමිටුවේ සභාපති ඩිව් ගුණසේකර මහතා ඇතුළු විත්තිකරුවන්ට අභියෝග කරන බව හිටපු අධිකරණ නියෝජ්ය ඇමති සුජීව සේනසිංහ මහතා ඊයේ (23) කොළඹ දිසා අධිකරණයට කරුණු දක්වමින් කියා සිටියේය.
සිය පක්ෂ අපේක්ෂකත්ව ප්රවර්ධන කටයුතු සඳහා විපක්ෂ නායක නිමල් සිරිපාල ද සිල්වා මහතා විසින් පරිහරණය කරනු ලබන නිල වාහන දෙකට සිය පෞද්ගලික මුදලින් රුපියල් ලක්ෂදෙකක් පසුගියදා ගෙවා ඇති බව සඳහන් වේ.
ලිංගික ශ්රමිකයන්ට වධදීම ගැන පාර්ලිමේන්තුවේ හඬක් නැතිවීම කනගාටුයි
වෙනත් අයගේ මෙහෙයවීමෙන් ලිංගික ශ්රමිකයන් බවට පත්වූවන් පොලිස් අත්අඩංගුවට පත් වීමේදී ඔවුනට සිදුවන හිරිහැර වධ හිංසාවන් පිළිබඳව පාර්ලිමේන්තුව තුළ හෝ හඬක් නැඟීමට කිසිදු දේශපාලන පක්ෂයක් ඉදිරිපත් නොවීම කනගාටුවට කරුණකැයි නීතිඥ ප්රතිභා මහානාම මහතා පැවැසීය.
