සියළු ජන කොටස් අතර සාමය සහ සහජීවනය ගොඩනැංවීමට රජය කැපවී කටයුතු කරන බව ජනාධිපති මෛතී‍්‍රපාල සිරිසේන මහතා පවසයි.
වසර හතරකට අධික කාලයක් තාවකාලිකව නවතා දමා තිබූ ද්විත්ව පුරවැසිභාවය ලබාගැනීමට අද (23) සිට එක්සත් රාජධානිය, කැනඩාව, ඇමෙරිකා එක්සත් ජනපදය, ඔස්ට්‍රේලියාව, නවසීලන්තය, ඉතාලිය, ස්වීඩනය, ස්විට්සර්ලන්තය, ප්‍රංශය යන රටවල ස්ථිර පදිංචිය ලබාතිබෙන ශ්‍රී ලාංකිකයන්ට අවස්ථාව සලසා දී තිබේ.
ජාතික රුධිර පාරවිලයන මධ්‍යස්ථානයට තත්ත්වයෙන් බාල සැපයුම් ලබාගත් බවට එල්ල වු චෝදනා සම්බන්ධයෙන් නොතීසි මත අධිකරණයට ඉදිරිපත් වු එහි හිටපු අධ්‍යක්ෂිකා වෛද්‍ය මංගලිකා බින්දුසාර මහත්මිය ඇප මත මුදාහැර අැත.
ජූනි මාසයේ අගදී මහ මැතිවරණය පවත්වන බව මුදල් අමාත්‍ය රවී කරුණානායක මහතා පවසයි.
විමල් ගියා විතරයි ඉංජිනේරු සංස්ථාවට ලක්ෂ 60 ක ඉතිරියක්(photos)
රාජ්‍ය ඉංජිනේරු සංස්ථාව ඉකුත් පාලන සමයේ බරපතල මුල්‍ය අර්බුධයකට ලක්වී තිබුණු බවත් නව රජය බලයට පත්වීම සමග සිදුවී තිබුණු විශාල මූල්‍ය වංචා සහ නාස්තිකාර වියදම් රැසක් හෙළිකර ගැනීමට සමත්වූ බව නිවාසහා සමෘද්ධි අමාත්‍යසජිත් ප්‍රේමදාස මහතා අද (23) පැවති මාධ්‍ය හමුවේදී පැවසුවේය.
ශ්‍රීලංකාවේ සීග්‍රයෙන් පැතිර යමින් තිබෙන වකුගඩු රෝගයට හේතු වී තිබෙන කෘෂි රසායාන වර්ග 5ක් තහනම් කිරීමේ ගැසට් නිවේදනය මෙම සතියේදී නිකුත් කෙරෙන බව ජාතික හෙළ උරුමයේ මන්ත්‍රී අතුරලියේ රතන හිමි ප්‍රකාශ කරයි.
පෙරටුගාමී සමාජවාදී පක්ෂය, අනෙකුත් වාමාංශික පක්ෂ හා සංවිධාන, වෘත්තීය සමිති ඇතුළු බහුජන සංවිධාන ගණනාවක් එක්ව අතුරුදහන්වුවන් පිලිබඳ හෙළිදරව් කිරීම, සියලු දේශපාලන සිරකරුවන් නිදහස් කිරීම, දේශපාලන ඝාතන අනාවරණය කිරීම, මර්දනය හේතුවෙන් රටෙන් පිට වීමට සිදුවූ අයගේ අයිතීන් ආරක්ෂා කිරීම, ත්‍රස්තවාදය වැළක්වීමේ පනත ඇතුළු මර්දන නීති අහෝසි කිරීම යන සටන් පාඨ මුලික කරගත් උද්ඝෝෂණ රැළියක් පැවැත්වීමට තීරණය කර තිබේ.
