පසුගිය රජයේ ප්‍රබල ඇමැතිවරයෙකු වූ ජොන්ස්ටන් ප්‍රනාන්දු මහතාගේ පවුලේ ව්‍යාපාරයක් වූ බව කියන වයඹ ඩිස්‌ටලරීස්‌ සමාගමේ බලපත්‍රය අහෝසි කිරීමට සුරාබදු දෙපාර්තමේන්තුව පසුගියදා කටයුතු කර තිබුණි.

මෛත්‍රීපාල සිරිසේන ජනාධිපතිවරයා හා එම බිරිය ජයන්ති පුෂ්පා කුමාරි මහත්මිය ඊයේ(15) පස්වරු පහට පමණ නවදිල්ලියේ ඉන්දිරා ගාන්ධි ගුවන් තොටුපොළට ලඟාවිය.

ශ්‍රී ලංක විදේශ සේවයට දේශපාලන හිතවත්කම් මත පත් කළ 36 දෙනෙකු නැවත මෙරටට ගෙන්වීමට විදේශ අමාත්‍යාංශය කටයුතු කර තිබේ. ඒ අතර හිටපු ජනාධිපතිවරයාගේ පුත් යෝෂිත රාජපක්ෂ මහතාගේ පෙම්වතිය වූ යසාර අබේනායක මෙනවියද හිටපු ඇමැති කෙහෙලිය රම්බුල්වැල්ලගේ දියණියද වාසුදේව නානයක්කාර මහතාගේ ලේලිය ජනත්‍රි ද ඇමැති චන්ද්‍රාණි බණ්ඩාරගේ පුතා දිල්රුක්ෂාන්ද වේ.

රාජපක්ෂ රෙජි‍ම විශාල වශයෙන් මුදල් වියදම් කර අරුගම්බේ ඉදිකළ එංගලන්තයේ බකින්හෑම් මාලිගයටත් වඩා අතිවිශාල සහ සුඛෝපභෝගි මාලිගයක් අප සොයා ගත්තා. එම මාලිගය මේ අය නම් කර තිබෙන්නේ ජාත්‍යන්තර සම්බන්ධීකරණ මූලස්ථානය ලෙසයි.

මෛත්‍රීපාල සිරිසේන මහතාගේ පාලනයත් සිංහල ජාතිවාදයේ තවත් ස්වරූපයක් බවත් ඉන්දියාවේ සංචාරයක නිරත සිරිසේන මහතා තමිල්නාඩුවේ සංචාරය කිරීමට අපේක්ෂාවෙන් පසුවන්නේ නම් ඊට එරෙහිව කළු කොඩි පෙන්වා විරෝධය දැක්වීමට සිදුකළ යුතු බවත් එම්ඩීඑම්කේ පක්‍ෂයේ මහලේකම් වයිකෝ ප්‍රකාශ කර ඇත.

ඊයේ දිනයේ (2015-02-14) ශ්‍රී ලංකා නිදහස් පක්ෂයේ විධායක සභාව රැස්විය. එහි දී නව නිලධාරී මඩුල්ලක් ද පත්කරගත්හ. එහෙත් එම සභාව අවසන්ව ජනාධිපතිතුමා පිටව යාමෙන් අනතුරුව පැවති පළාත් සභා සහ ප්‍රාදේශීය සභා නියෝජිතයෝ සහභාගී වූ සමස්ත ලංකා කාරක සභාවේ දී හිටපු ජනාධිපති පර්සි මහේන්ද්‍ර රාජපක්ෂ යළි අගමැති කළ යුතු යැයි ඔවුහු බලකර සිටියහ. පසුව පැවති පළාත් සභා මන්ත්‍රී සමුළුවේ දී මෙය වඩාත් බලවත් ලෙස කරළියට රැගෙන ආහ. මෙය බැලූ බැල්මට තව දුරටත් මහින්ද බලයේ රැඳී සිටීමට උත්සාහ කරන තත්ත්වයක් පමණක් නොවේ. සැබැවින් ම යහපාලනයට කරනු ලබන අභියෝගයකි.