ඊශ්රායලයේ පැවති මහා මැතිවරණයෙන් අගමැති බෙන්ජමින් නෙතන්යාහුගේ ලිකුද් පක්ෂය පැහැදිලි ජයග්රහණයක් ලබා ඇත.
පාකිස්තානයේ ක්රිස්තියානි ප්රජාව ලාහෝර් නගරයේ පවත්වන විරෝධතා උද්ඝෝෂණ ප්රචණ්ඩකාරි ස්වරූපයකට පෙරළී ඇති අතර ඔවුන් මර්දනය කිරීම සඳහා කඳුළු ගෑස් හා ජල ප්රහාර එල්ල කිරීමට පොලිසියට සිදුව තිබේ.
මැලේසියාවේ පැවති ගුවන් සංදර්ශනයක් අතර තුර ඉන්දුනීසියානු හමුදාවන්ට අයත් ගුවන්යානා දෙකක් එකිනෙක ගැටීමෙන් අනතුරට පත්ව ඇත.
චීන පවුල් සැලසුම් නීතිය ලිහිල් කිරීමට බලධාරීන් තීරණය කොට තිබේ.
බ්රසීල ජනපති ඩිල්මා රූසෙෆ්ට එරෙහිව එරට ප්රධාන නගර වලට රැස් වූ දස ලක්ෂ සංඛ්යාත පිරිසක් විරෝධතා දක්වමින් සිටියි. සටන් පාඨ කියමින් පා ගමන්වල යෙදී සිටින මෙම උද්ඝෝෂකයන් කියා සිටින්නේ දෝෂාභියෝගයක් මගින් ඇය ජනපති ධුරයෙන් නෙරපා හැරිය යුතු බවයි.
මාලදිවයින හිටපු ජනාධිපති මොහොමඩ් නෂිඩ්ට එරට අධිකරණය මගින් වසර 13ක සිරදඩුවමක් නියම කර ඇති බව වාර්තා වේ.
හින්දාල්කෝ නැමැති සමාගමට ගල්අඟුරු කොන්ත්රාත්තුවක් ලබාදීමේ සිද්ධියක් මත හිටපු ඉන්දීය අගමැති මන්මෝහන් සිංට අධිකරණය හමුවේ පෙනී සිටින ලෙස නියෝග කර තිබුණි.
ඉරාක හමුදාවන් අයි.එස්. සටන්කාමීන් යටතේ පාලනය වූ ටික්රිට් නගරයේ කොටස් කිහිපයක් අත්පත් කර ගැනීමට සමත් වී ඇත.