පසුගියදා සිදු වූ පාකිස්තානයේ හමුදා පාලනයේ පැවති පාසලක් වෙත තලේබාන් ත්‍රස්තයන් එල්ල කළ ප්‍රහාරය හෙළා දැකීම ප්‍රතික්ෂේප කළ එරට රැඩිකල් ඉස්ලාමීය දේවස්ථානයේ පූජකයෙක් අත්අඩංගුවට ගැනීමට අධිකරණය වරෙන්තු නිකුත් කොට තිබේ.

දෙවියන්ගේ මිනිසුන් වෙනුවට කාදිනල්වරුන් සහ පූජකවරු බලයෙන් මත්වී සිහින ලෝකයේ ජීවත්වන බව ප්‍රැන්සිස්‌ පාප් වහන්සේ ප්‍රකාශ කර ඇත.

පකිස්ථානය තුළ විශේෂ යුද අධිකරණයක් පිහිටුවීමට එරට අග්‍රාමාත්‍ය නවාස් ෂරීෆ් තීරණය කර ඇත.ත්‍රස්තවාදී කටයුතු සම්බන්ධයෙන් චෝදනාවට ලක්වන්නන්ගේ නීතිමය කටයුතු මෙම අධිකරණය මගින් කිරීමට නියමිත බව විදෙස් මාධ්‍ය වාර්තා කරයි.

ඉන්දියාවේ අසාම් ප්‍රදේශයේ බෝඩෝ කැරලි කණ්ඩායමක් විසින් සිදු කර ඇති ප්‍රහාරයන් කිහිපයක් හේතුවේ මේ වන විට 52 දෙනෙක් මිය ගොස් ඇතැයි විදෙස් වාර්තා සඳහන් කර තිබේ. වාර්තා සඳහන් කරන අන්දමට මෙසේ ඝාතනයට ලක්ව ඇත්තේ පිරිමින්, කාන්තාවන් සහ ළමුන් බවත්, එම වාර්තාවල සඳහන් කර ඇත. මොවුන්ට වෙඩි තබා ඇත්තේ ඒ. කේ. 47 වර්ගයේ ගිනි අවි වලින් බව සනාථ වී තිබේ.

අවි වෙළෙඳාම පාලනයට අදාළ ජාත්‍යන්තර ගිවිසුමක් බල පැවැත්වීම දැන් ආරම්භ වී ඇත.

යුද අපරාධ චෝදනා ලත් බංග්ලාදේශයේ හිටපු ඇමතිවරයෙකුට මරණ දණ්ඩනය නියම වෙයි.

Hobbit කතාමාලාවේ අවසන් චිත්‍රපටිය වන පීටර් ජැක්සන්ගේ අධ්‍යක්ෂණයෙන් යුත් The Battle of the Five Armies මෙම මස 12වනදා සිට ප්‍රදර්ශනය ඇරඹුවා.

ඕස්ට්‍රේලියාවේ කෝටිපති කැසිනෝ ව්‍යාපාරික ජේම්ස් පැකර් ඔහුගේ පෙම්වතිය ලෙස සැළකෙන මිරැන්ඩා කෙර් වෙත ඩොලර් ලක්ෂයක් එනම් ලංකාවේ මුදලින් රුපියල් එක්කෝටි හතලිස් ලක්ෂයක් පමණ වටිනා දියමන්ති කරාබු දෙකක් තෑගි කර ඇතැයි වාර්තා වේ.