ගාසා තීරයේ ඇවිළෙන ගින්න ගැන අවධානයෙන් සිටින ලෝකයට ඊට පෙර ඇවිළී තවමත් නිවී නොමැති, තවමත් මිනිස් ජීවිත බිලි ගන්නා නැගෙනහිර යුකේ‍්‍රනයේ පවත්නා මහා ගිනි ජාලාව ගැන දැන් නිනව්වක් නැති ගාන ය. එහෙත් එහි තවමත් සිද්ධි වාර්තාවේ. මිනිස්සු මියෙති. ඊටත් වඩා මැරි මැරී ජීවත් වනු පිණිස සරණාගත කඳවුරුවලට ගාල් කෙරෙති. මේ වන විට ඒ තත්ත්වයට පත් ව ඇති සංඛ්‍යාව 230,000 ඉක්මවන බව පැවසේ.
ඉරාකයේ කි‍්‍රයාත්මක අයි.එස්. සටන්කාමීන් එරට උතුරු ප්රදේශයේ පිහිටි ගම්මානයක ජනතාව සමූල ඝාතනය කර ඇතැයි බී.බී.සී. ලෝක සේවය වාර්තා කරයි.
ඉස්ලාමාබාද් අගනුවරට විරෝධතා පෙළපාලියකින් ගමන් කරන පාකිස්තාන විපක්ෂ නායක ඉම්රාන් ඛාන්ගේ රථයට ගුජ්රන්වාලා නගරයේදී වෙඩි ප‍්‍රහාරයක් එල්ල වී අැත. එහිදී ඉම්රාන් ඛාන්ට කිසිදු හානියක් සිදුවී නොමැති අතර ඔහුගේ රථයට හානි සිදුවී තිබේ.
මගීන් 300ක් පටවාගෙන පියාසර කරමින් තිබූ බොයිං 777 ගුවන් යානයක් හිටි හැටියේ අඩි 5000ක් කඩා වැටීමට නියමුවන්ගේ නොසැලකිල්ල ද යන්න ගැන පරීක්ෂණයක් ආරම්භ කර ඇතැයි ඉන්දියාවේ මුම්බායි සිවිල් ගුවන් සේවා අධිකාරිය පවසයි.
රුසියානු අග‍්‍රාමාත්‍ය දිමිත‍්‍රි මෙද්වදෙව් ගේ ට්විටර් ගිණුමට අනවසරයෙන් ඇතුලූවී, තමන් සිය ධුරයෙන් ඉල්ලා අස්වන බවට පණිවුඩයක් නිකුත් කර ඇති බව ඔහුගේ මාධ්‍ය ඒකකය පවසයි.
රුසියාව තුළ සනීපාරක්ෂක රීතීන් උල්ලංඝනය කිරීමේ වරදට මැක්ඩොනල්ඞ්ස් සමාගමට එරෙහිව නඩු පැවරීමට රුසියානු පාරිභෝගික ආරක්ෂණ ආයතනය විසින් පියවර ගෙන ඇතැයි වාර්තා වේ.
කෙන්යාවේ බටහිර ප්රදේශයේ පිහිටි මොයිස් බ්‍රිජ් නගරයේ විවිධ ජනවර්ගවලට අයත් පිරිමි බලහත්කාරයෙන් ගෙන ගොස් සුන්නත් කරණ බව විදෙස් වාර්තාවල කියවේ.
ආසියාව ඇමරිකාව යා කරන අධි වේගී අන්තර්ජාල කේබල් ව්‍යාපෘතියක්
පැසිපික් සාගරය හරහා ඇමරිකාව සහ ආසියාව යා කෙරෙන අන්තර්ජාල කේබල් පද්ධතියක් ගොඩනැගීමට ගූගල් සමාගම ආසියානු සමාගම් 5ක් සමග එක්ව වී ඇත.
